...

2005-ci ildə banklar tərəfindən kredit qoyuluşları 45,6% artıb

Biznes və iqtisadiyyat xəbərləri Materials 4 Fevral 2006 13:57 (UTC +04:00)

2005-ci ildə Azərbaycan bankları tərəfindən ölkə iqtisadiyyatına kredit qoyuluşlarının həcmi 2006-cı il yanvarın 1-i üçün 45,6% və ya 7 204, 816 mlrd manat artıb. Bu barədə Trend ə Milli Bankdan məlumat verilib. Vaxtı keçmiş kreditlərin xüsusi çəkisi 4,73% təşkil edib və onların ümumi həcmi keçən ilin əvvəllərinə olan göstərici ilə müqayisədə 23,8% artıb.

Dövlət sektoru üçün kreditlərin həcmi 1 433,731 mlrd. manat, xüsusi çəki isə 19,9% olub. İl ərzində artım 42,3% təşkil edib. Özəl sektora kredit qoyuluşları 46,5% və ya 5 771,086 mlrd. manata bərabər olub. Dekabr ayında onların həcmi 22,7% və 2,6% artıb.

Dövlət bankları tərəfindən 3 741,367 mlrd. manat (2005-ci ilin əvvəlləri ilə müqayisədə artım 65,2% təşkil edib), özəl banklar tərəfindən isə 3 265,356 mlrd manat (44,6%) məbləğində kredit qoyulub. Qeyri-bank kredit təşkilatlarında bu göstərici 198,094 mlrd. manat olub ki, bu da keçən ilin əvvəlləri ilə müqayisədə 2,1 azdır. Maraqlısı isə odur ki, 2006-cı il yanvarın 1-nə olan göstərici son iki ay ərzində dəyişməz qalıb.

2006-cı il yanvarın 1-nə ona vəziyyət üzrə fiziki şəxslərin kreditləşmə payına 1 996,989 mlrd manat (2005-ci illərin əvvəllərində 44,2% artım) düşub. Bu göstərici ticarət və xidmətlər sahəsində 1805,573 mlrd manat (65,9% artım), nəqliyyat və rabitədə - 640,806 mlrd manat (14,3% azalıb), energetika və təbii sərvətlər üzrə isə 906,785 mlrd manat (7,4% artım) təşkil edib.

Xəbər lenti

Xəbər lenti