AGLeasing lizinq şirkətinin təsisçilərinin qərarı ilə onun nizamnamə fondu 2 ay ərzində 1 mln AZN qədər artırılacaq. Bu barədə Trend ə şirkətin baş direktoru Azər Məmmədov məlumat verib. Nizamnamə kapitalının ödənməsi nəticəsində şirkətin təsisçilərinin iştirak payı Azəriqazbankın payının xeyrinə 35 %-ə qədər artıb.
2005-ci ildə şirkət yaradılarkən AGLeasing -in nizamnamə kapitalı 600 min AZN (3 mlrd manat) səviyəsində müəyyən edilmişdi ki, bu da 4 təsisçi arasında bərabər paylar (hər birinə 25 % olmaqla) şəklikdə bölüşdürülmüşdü. Lizinq şirkətinin kapitalının artması nəticəsində İngiltərənin Milio Leasing Limited firması öz pay hissəsini öz qiymətinə Azəriqazbanka satmış, digər təsisçilərin - İngiltərənin Hiperion Capital Management və Amerikanın Delta Trans LLC şirkətlərinin pay nisbətləri əvvəlki səviyyədə qalıb.
Fevralın 1-də keçirilən təsisçilərin toplantısında AGLeasing-in fəaliyyətinin genişləndirilməsi üzrə plan nəzərdən keçirilib. A.Məmmədovun qeyd etdiyi kimi, 2005-ci il institusional inkişaf ili olub. Gələcək planlara həmçinin, 7 aylıq fəaliyyətin yekunları nəqliyyat sektorunda 33 %, yerdə qalanları səhiyyəə, istehsal, qida sənayesi şirkətləri arasında böülşdürülən lizinq portfelinin diversifikasiyası daxildir. O. Bunu normal hesab edir. Çünki elə şirkətlər var ki, portfelinin 50%-ni tikinti təşkil edir.
AGLeasing-in lizinq əməliyyatlarının həcmi ötən ilin yekunları üzrə $0,5 mln təşkil edib. 2006-cı ilin yekunları üzrə onun $5 mln-a çatacağı gözlənilir.
