Başa çatmış seromonitorinqin yekunlarına görə Azərbaycan mütəxəssisləri "quş qripi"nin əlamətlərini aşkar etməyiblər. Kənd Təsərrüfatı Nazirliyi yanında Dövlət aytarlıq Xidmətindən Trend ə verilən məlumata görə, xüsusi komissiya tərəfindən keçirilinə monitorinq zamanı vəhşi quşların ölümü ilə bağlı bir dənə belə fakt aşkar edilməyib.
Komissiyanın tərkibinə Baytarlıq Xidmətinin, Səhiyyə, Ekologiya və Təbii ehtiyatlar Nazirliklərinin, Azərbaycan Milli Elmlər Akademiyasının Zoologiya İnstitutunun nümayəndələri daxildir.
"Monitorinq yalnız müşahidə xarakteri daşıyıb. Tədbirin gedişində bundan əvvəl edildiyi kimi quşlar öldürülməyib", -deyə dövlət strukturundan bildirilib.
Monitorinq Ağcabədidə, Ağgöl, Sarısu milli parkında, Lənkəranda, Masallıda, Salyanda, Dəvəçidə aparılıb.
"Bütün analizlər yeni laboratoriya avadanlıqlarının köməyi ilə yerli mütəxəssislər tərəfindən aparılıb", - deyə Baytarlıq Xidmətindən bildirilib.
