Beynəlxalq Valyuta Fondunun (BVF) texniki missiyası Azərbaycanda istehlakçı qiymətlərinin indeksinin hesablanması metodologiyasına müsbət qiymət verib. Bu barədə Trend ə Dövlət Statistika Komitəsinin statistik informasiya İdarəsinin müdiri Natella Quliyeva məlumat verib.
"Fondun və Dövlət Statistika Komitəsinin ekspertləri tərəfindən aparılan hesablamalar uyğun gəlir və bu da azərbaycanlı mütəxəssislərin tətbiq etdiyi metodologiyanın beynəlxalq standartlara uyğun gəldiyini xəbər verir", - deyə N.Quliyeva bildirib.
Onun sözlərinə görə, bu gün Dövlət Statistika Komitəsi Beynəlxalq Əmək Təşkilatı, BVF və İqtisadi Əməkdaşlıq və İnkişaf Təşkilatının hazırladığı son əsasnaməyə əsaslanır. Bununla əlaqədar, 1993-cü ildə Valyuta Fondunun bğirici mərhələdə göstərdiyi texniki yardımın ikinci mərhələsinin başlamasına ehtiyac yoxdur. BVF-nun ekspertləri azərbaycanlı mütəxəssisləri elə bir səviyyəyə çatıblar ki, istehlakçı qiymətlərinin indeksinin hesablanması üzrə metodologiyanın gələcəkdə təkmilləşdirilməsində özləri-özlərinə yardım göstərə bilərlər.
Milli Bankda hesab edirlər ki, məhz BVF-nun tövsiyyələri nəticəsində İQİ hesablanması sistemi təkmilləşib. Bu arada informasiya tələbatçısı çəki üzrə aparılan proseslərdə inflyasiya tendensiyasını izləməsi çətin olması yeganə problem olaraq qalır. Dövlət Statistika Komitəsindən hesablamaların hansı formul əsasında apardığını bilmək AMB-nın əməkdaşları üçün də maraqlıdır.