2006-cı ildə "Ataholdinq" Azərbaycandakı layihələri reallaşdırmaq üçün $100 milyon investisiya qoymağı planlaşdırır. Trend in holdinqin İdarə Heyətinin sədri Hakan Özəlpaya istinadən verdiyi məlumata görə, tədbirlər planı bu ay keçiriləcək Müşahidəçilər Şurasında təsdiq olunacaq. H.Özəlpayın sözlərinə görə, holdinq investisiyaları "Atabank"ın vəsaitləri hesabına həyata keçirmir, onları xaricdən cəlb edir.
Bu gün "Ataholdinq"in tərkibində 22 şirkət təmsil olunur. Reallaşdırılması nəzərdə tutulan layihələr içərisində Xaçmazda makaron fabrikinin, ət və süd məhsullar, inşaat materialları və traktor istehsalı üzrə müəssisələrin tikintisi, turizmin inkişafı var.
