"Ataholdinq"lə İtaliyanın "Di Martino" şirkəti arasında Azərbaycanın Xaçmaz rayonunda makaron fabrikinin tikintisi üzrə danışıqlar aprel ayında İtaliyada davam etdiriləcək. Bu barədə Trend ə holdinqin İdarə Heyətinin sədri Hakan Özəlpay məlumat verib. Onun sözlərinə görə, fabrikin tikintisi üçün 6-8 ay vaxt tələb olunur və birinci mərhələdə makaron istehsalı üçün investisiyalarının həcmi $5-7 mln. təşkil edir.
Layihənin ümumi dəyəri $7,2 mln. təşkil edir, bu məbləğdən $3,4 mln-u İtaliyanın SACE şirkətinin hesabına illik 6,25% dərəcəsi ilə, digər hissəsi isə Sahibkarlığa Dəstək Milli Fondunun təsisçiliyi və vəsaiti ilə həyata keçiriləcək. Layihə üzrə fabrikdə il ərzində 11 min ton makaron məhsulu istehsal olunacaq. Məhsulun 50% -i italiyalı tərəfdaşlarının şəbəkəsi vasitəsi ilə ixrac olunacaq. Fabrik üçün Avstriyanın Schaller şirkətindən avadanlıqların alınması üçün də razılıq əldə olunub. H.Özəlpay digər bir regionda da makaron məmulatlarının istehsalı üzrə daha bir müəssisənin yaradılmasının mümkünlüyünü də istisna etməyib. Bütövlükdə, bu gün xammalın yerləşdiyi ərazinin yaxınlığında ilk fabrikin tikintisi məsələsi həll edilir.
Holdinqin mütəxəssislərinin planlarına İtaliyadan sonra Türkiyəyə yola düşmək daxildir. İtaliyanın Zanzi - Türkiyənin FruTaS şirkəti üzrə tərəfdaşı Azərbaycana intensiv bağçılıq və kartof toxumçuluğu üzrə iki birgə layihəni reallaşdırmağı təklif edib. Artıq AtaAqro şirkəti ilə birlikdə bu iki layihə üzərində işlərə başlanılıb. Layihənin əsas məqsədi bağçılıqda "Azəri" meyvələrinin yeni növünün yaradılması və bu növlərin Rusiyaya, Yaxın Şərq, Avropa və Yaponiyaya icracı planlışdırılıb.