İyunun 30-na kimi Azərbaycan hökuməti Dünya Bankının 2-ci "İnstitusional tikintiyə texniki yardım" (IBTA-2) layihəsi üzrə yekun hesabatı banka təqdim etməlidir. Layihənin reallaşdırması qrupundan Trend ə verilən məlumata görə, hesabatın hazırlanması üçün Londonun Baker Tily auditor şirkətinin Gürcüstan yarımbölməsi cəlb olunub.
Yekun hesabat 2006-cı maliyyə ilinin sonuna kimi layihənin reallaşdırılması müddətinin başa çatması ilə əlaqədar hazırlanacaq. Onun uzadılmasına ehtiyac yoxdur. Çünki artıq hökumət və DB qənaət olunmuş vəsaitin "quş qripi" ilə mübarizəyə yönəldilməsi barədə razılıq əldə ediblər.
İBTA-2 layihəsi 2002-ci ildə təsdiqlənib. Beləliklə, layihə əvvəllər nəzərdə tutulan 10 komponentdən cəmisi 4-nü əhatə edib. Reallaşdırılanlar arasında dövlət idarəediciliyinin gücləndirilməsi, dövlətin maliyyə xərcləri üzərində nəzarət, sosial xərclərin dəyişdirilməsi və layihələrin idarə olunmasını göstərmək olar.
