Azərbaycan Beynəlxalq Bankı və dünyanın ən iri banklarından biri olan UBS AG 15 mln. İsveçrə frankı həcmində kredit xəttinin açılışı haqqında saziş imzalayıb. Bu barədə Trend ə bankdan məlumat verilib. Kredit İsveçrə və Avropa Birliyi ölkələrindən malların Azərbaycana idxal olunmasının maliyyələşdirilməsi üçün ayırılır.
Sazişdə Export Credit Agency və Geschaftsstelle fur die Exportrisikogarantie-də sövdələrin sığortalanması nəzərdə tutulub. Maliyyələşdirmənin maksimal müddəti 5 il ola bilər.
Ölkənin özəl sektorunun inkişafına xidmət edən kredit Beynəlxalq Banka dövlət zəmanəti olmadan verilib. Bu arada, bank kredit vəsaitinin istifadəsində müstəqildir.
