Mayın 18-də Qara dəniz Ticarət və İnkişaf Bankının rəhbəri Xeyrəddin Kaplan bir günlük səfərlə Bakıya gələcək. Bu barədə Trend ə İqtisadi İnkişaf Nazirliyindən məlumat verilib.
İİN-nin nümayəndəsinin sözlərinə görə, səfərdə başlıca məqsəd X. Kaplanın iyunun 11-12-də Bakıda keçiriləcək QTİB-nın İdarəetmə Şurasının 8-ci iclasına hazırlıq işləri ilə tanış olmaqdır.
QTİB-nın rəhbəri İİN və Maliyyə Nazirliyində görüşlər keçirəcək.
QTİB-nın İdarəetmə Şurasının iclasında iqtisadi inkişafın maliyə sektorunun rolu, kənd təsərrüfatında investisiya imkanları, regional miqyasda infrastrukturların inkişafı məsələləri müzakirə ediləcək.
Bu gün rabitə və informasiya texnologiyaları naziri Əli Abbasovun, maliyyə naziri və QTİB-nın Azərbaycan üzrə direktoru Samir Şərifovun, iqtisadi inkişaf nazirinin müavini Mikayıl Cabbarovun, AMB-nın Direktorlar Şurasının üzvü Rüfət Aslanlının, Kənd təsərrüfatı kreditləri üzrə Dövlət Agentliyinin baş direktoru Razim Vəliyevin və digərlərinin məruzələri təsdiqlənib.