2008-ci ilə qədər Almaniya Yenidənqurma Bankı ( KWF) Qara dəniz regionundakı ölkələrə qoyulan sərmayələri 500 milyon avro artırmağı planlaşdırır. Bu barədə Trend ə bankın regional direktoru Oskar Von Maltzan bildirib.
Onun sözlərinə görə, artıq regiona 1,3 milyard avro qoyulub, bunlardan 285 milyon avro maliyyə sektoruna yönəldilib. Gələn iki il üçün planlaşdırılmış 500 milyon avronun təxminən 22%-nin maliyyə sektoruna qoyulması nəzərdə tutulub. "Bu vəsaitlər mikro və orta müəssisələrin inkişafına yönəldiləcək. O cümlədən, bank ixrac layihələrinə də yardım etməyi planlaşdırır", - deyə o qeyd edib.
O, Azərbaycan mikromaliyyələşdirmə bankının digər beynəlxalq maliyyə institutları ilə təşkil etməsi ilə mikromaliyyələşdirmə layihələrinin uğurla həyata keçirilməsini qeyd edib. O deyib: "Biz bu bankın gələcək restrukturlaşmasında iştirak etməyə hazırıq".
KWF Azərbaycanın maliyyə sektoruna xidmət göstərir, 6 bank-partnyor mikro və orta müəssisələrin inkişafına yardım edir və gələcəkdə bankların kapitalında və treninqlərin təqdim olunmasında iştirak üçün kredit xəttlərinin açılması təklif ediləcək.
KWF Qara dəniz hövzəsi ölkələrində iştirakı fəallaşdırmaq istəyir. Əgər bu günə qədər regionda əsas tərəf müqabili Türkiyə idisə və 1,3 milyard avronun yarısı bu ölkəyə qoyulurdusa, o zaman uzunmüddətli perspektivdə Türkiyəyə qoyulan sərmayələr azaldılacaq və onlar Qafqaza yönəldiləcək.
