"Standard Bank" ipoteka kreditləşdirilməsinin inkişafı sahəsində fəaliyyətinin nəticələrini açıqlayıb. Bankın idarə heyətinin sədr müavini Cavid Quliyevin məlumatına görə, bank Azərbaycan İpoteka Fondunun vəsaiti hesabına 57 min AZN məbləğində 3 kredit ayırıb. 200 min AZN dəyərində 15 ərizəyə isə baxılır. Ötən 3 ay ərzində (AİF-in fəaliyyətə başladığı tarixdən) "Standard Bank"-a 1000 sorğu daxil olub.
Onun sözlərinə görə, bank ilin əvvəlindən özünün ipoteka proqramını gerçəkləşdirməyə başlayıb və artıq 90 min AZN məbləğində 3 kredit verilib. 350 min AZN dəyərində 10 ərizəyə isə baxılır. Bankın proqramı üzrə kreditləşdirilmənin şərtləri AİF-in irəli sürdüyü şərtlərdən fərqlənir. Bankın proqramı üzrə kreditin maksimum müddəti 45 min AZN (və ya $50 min) məbləğində və təxminən 18%-lə 5 il təşkil edir.
Sektorun inkişafı üzrə böyük potensialın olması ilə əlaqədar bank kreditin verilməsi prosedurlarını sadələşdirməyi - kreditlərin ayrılması ilə bağlı qərarın qəbulu və ərizələrin verilməsi proseslərini ixtisara salmağı planlaşdırır.