Dünya bankı (DB) İmişli-Beyləqan və Muğanlı-Yevlax avtomobil yollarının maliyyələşdirilməsinə maraq göstərir. Bu barədə Trend ə Nəqliyyat Nazirliyindən məlumat verilib.
118 km uzunluğunda İmişli-Beyləqan yolunun dəyəri $77 mln, 145 km uzunluğunda Muğanlı-Yevlax yolunun ilkin dəyəri isə $95 mln təşkil edir.
Bu layihələrdə DB-nin iştirak payı hələ müəyyən edilməyib və bu məsələ bankın missiyasının qarşıdakı səfəri zamanı müzakirə mövzusu olacaq. Ancaq bu, həm də layihələrdə dövlət payını artırmaqla xarici borcun azaldılması üzrə hökumətin siyasətindən də asılıdır.
Dünya bankı bu layihələri Beynəlxalq Yenidənqurma və İnkişaf Bankının xətti ilə maliyyələşdirəcək. DB-nin Azərbaycan hökuməti ilə tərəfdaşlıq strategiyası çərçivəsində 3 il ərzində yol layihələrinə $550 mln vəsaitin ayrılması nəzərdə tutulub. Bu məbləğdən 200 mln dolların ayrılmasına dair qərar qəbul olunub.
