Fransa mütəxəssisləri - Kənd Təsərrüfatı, Balıqçılıq və Ərzaq Nazirliyinin baytarlıq üzrə məsləhətçisi Jak Farbos və Azərbaycana baytarlıq sahəsində yardım üzrə proqramın koordinatoru Jan Mari Elmer ölkədə baytarlıq sahəsində işlər aparır.
Kənd Təsərrüfatı Nazirliyi yanında Dövlət Baytarlıq Xidmətindən Trend ə verilən məlumata görə, mütəxəssislərin səfərinin əsas məqsədi laboratoriya avadanlığının alınması və brüselyozla mübarizə üzrə layihə çərçivəsində tədbirlərin görülməsidir.
"Fransa nümayəndələri 6 regional laboratoriyanı təchiz etməyi, ilk növbədə, bu işlərin Quba, Sabirabad və Xanlarda yerləşən 3 laboratoriyada tədbiq etməyi planlaşdırır" - deyə dövlət xidmətindən qeyd ediblər.
J.Farbos artıq öz işini başa çatdırıb və Azərbaycanı tərk edib. J.M.Elmer isə daha bir neçə gün ölkədə qalacaq.
