Sentyabr ayında Ata Holding Azərbaycanda elektrik enerjisinin alternativ mənbələrinin tətbiqi layihəsi üzrə nümayəndələri Bakıya gələcək Finlyandiyanın Wartsila şirkəti ilə danışıqları davam etdirəcək. Bu barədə Trend ə holdinqin Müşahidə şurasının sədri Əhmət Erentok xəbər verib. Bu şirkət artıq "Azərenerji" SC ilə işləyir.
Hazırda həmçinin Amerikanın General Electric, Türkiyənin Nar Enerji və Zor Enerji şirkətləri ilə də danışıqlar aparılır.
Ə.Erentok Azərbaycan qanunvericiliyindəki çatışmazlıqlar səbəbindən bu il layihənin reallaşacağını mümkün hesab etmir, belə ki, elektrik enerjisinin istehsalı dövlət inhisarındadır. Müvafiq olaraq, özəl şirkətlər yalnız onu paylaya bilər.
"Biz hələ layihəni hazırlayırıq və bu müddət ərzində qanunvericilikdə dəyişikliklər ediləcəyinə ümid edirik. Həm də belə layihələrdə tərəfdaşların, texnologiyaların, elektrik enerjisinin istehsalının (suda, mazutda, küləyin, günəşin köməyi ilə) münasib variantının axtarışı üçün kifayət qədər vaxt tələb olunur", - deyə Ə.Erentok bildirib.
Ata Holding-in hesablamalarına görə, enerji sahəsində holdinqin iştirak etmək istədiyi layihələrin ümumi məbləği 1,1 mlrd. ABŞ dolları məbləğində qiymətləndirilir. Bu məbləğ elektrik enerjisinin alternativ mənbələrinin yaradılmasına, mövcud elektrik stansiyaların bərpasına qoyulacaq. "Azərbaycanın enerji tələbatının mühüm olduğunu nəzərə alsaq, bu kiçik məbləğdir. Qış vaxtı 20% çatışmazlıq olur, müvafiq olaraq, tələbatları vaxtında ödəmək üçün ölkədə enerji imkanları tələbatlardan 20-25% çox olmalıdır", - deyə holdinq başçısı belə hesab edir.
