Maliyyə Nazirliyinin operativ məlumatlarına əsasən, birinci yarımildə sığorta daxilolmalarının həcmi 43,60 mln. manat ($48,4 mln.) təşkil edib ki, bu da ötən ilin müvafiq dövrilə müqayisədə 0,66% azdır. Bu barədə Trend ə nazirlikdən xəbər veriblər.
Bu məbləğdən könüllü sığorta növlərinin payına 1,41% enmə ilə 40,59 mln. manat ($45,1 mln.) düşüb. Könüllü sığorta növlərinin xüsusi çəkisi 93,8%-dən 93,1%-dək azalıb.
Məcburi sığorta növləri üzrə daxilolmalar 10,66% artaraq, 3,01 mln. manat ($3,3 mln.) təşkil edib. Xüsusi çəki 6,2%-dən 6,9%-dək artıb.
Birinci yarım ildə sığorta daxilolmaları 303,39% artaraq 29,73 mln. manat ($33 mln.) təşkil edib. Könüllü sığorta növləri üzrə ödənişlərin xüsusi çəkisi il ərzində 87,52%-dən 96,47%-dək artıb. İyulun 1-də bunların həcmi 344,65% artımla 28,68 mln. manat ($31,87 mln.) təşkil edib. Məcburi sığorta növlərinin xüsusi çəkisi 12,48%-dən 3,53%-dək azalıb və birinci yarım ilin yekunları üzrə 1,05 mln. manat ($1,17 mln.) təşkil edib. Məcburi ödənişlərin artımı 14,13% səviyyəsində müşahidə olunur.
