...

ARDNF-in Müşahidə Şurası 2005-ci il büdcəsinin icrasını təsdiq olunmaq üçün ölkə prezidentinə təqdim etməyi qərara alıb

Biznes və iqtisadiyyat xəbərləri Materials 1 Avqust 2006 12:09 (UTC +04:00)

Trend-i buradan izləyin

Azərbaycan Respublikasının baş naziri, Dövlət Neft Fondunun Müşahidə Şurasının sədri Artur Rəsizadənin sədrliyi ilə Müşahidə Şurasının növbəti iclası kecirilib. Trend in Fondun məlumatına istinadən xəbər verdiyi kimi, iclasda ARDNF-in 2005-ci ildə fəaliyyəti haqqında illik hesabatına, maliyyə fəaliyyətinin auditinin nəticələrinə və fondun 2005-ci il büdcəsinin icrasına baxılıb.

Müşahidə Şurası fondun 2005-ci ildə fəaliyyəti haqqında illik hesabatına, Fondun 2005-ci ildə maliyyə fəaliyyəti haqqında müstəqil auditorun (Ernst&Yanq şirkətinin) hesabatına baxaraq onları məqbul hesab edib və ARDNF-in 2005-ci il büdcəsinin icrasını təsdiq olunmaq üçün Azərbaycan Respublikasının prezidentinə təqdim etmək barədə qərar qəbul edib.

Baş nazir A.Rəsizadə yenidən Dövlət Neft Fondunun Müşahidə Şurasının sədri seçilib.

Xəbər lenti

Xəbər lenti