Ata Leasing şirkəti Bank Standard ilə bağlanmış kredit müqaviləsi çərçivəsində $100 min kredit üzrə öhdəliyini vaxtından əvvəl yerinə yetirib. Trend Ata Holding-ə istinadən xəbər verir ki, kredit müqaviləsi bir illik müddətə imzalanıb.
Hazırda Ata Lizinq ilə Bank Standard arasında daha bir kredit müqaviləsi qüvvədir. Bu müqavilə iyulun 11-də 18 ay müddətinə verilmiş $300 min həcmində kreditin verilməsi haqqında imzalanıb.
Şirkətdən bildiriblər ki, Ata Lizinqin fəaliyyətinin prioritet istiqaməti regionlarda lizinq layihələrinin gerçəkləşdirilməsidir. Ata Lizinq Bərdə, Göyçay, Sumqayit, Gəncə və Şəmkirdə lizinq əməliyyatları həyata keçirir.
