Asiya İnkişaf Bankının Mərkəzi Asiya regional iqtisadi əməkdaşlıq proqramı (CAREC) üzrə yüksək vəzifəli rəsmi şəxslərin hazırlıq görüşü avqustun 28-də Urumçidə keçiriləcək. İqtisadi İnkişaf Nazirliyindən (İİN) Trend ə verilən xəbərə görə, ekspertlərin görüşündə Azərbaycan tərəfdən İİN nümayəndələri iştirak edəcək.
Görüşdə regional əməkdaşlığın yaxşılaşdırma imkanları, tranzit və ticarət üzrə məsələlərə baxılacaq, həmçinin energetika və digər regional layihələr müzakirə ediləcək.
Aprel ayındakı görüşdə artıq ticarət rejiminin yaxşılaşdırılma imkanları, sənədlərin harmonizasiyası, ticarətə yardım, ticari münasibətlərin yaxşılaşdırılması gözdən keçirilib. həmçinin digər regional layihələr arasında koordinasiyanın olması, proqram çərçivəsində beynəlxalq maliyyə institutlarının səylərinin koordinasiya edilmə zərurəti də razılaşdırılıb. Məsələn, Bakı- Gürcüstan sərhədi avtomagistralının yenidən qurulması TRACEKA dəhlizinin və CAREC proqramının əsas tərkib hissəsidir. AİB bu avtomagistralda iki ərazinin maliyyələşdirilməsi üçün 52 mln. ABŞ dolları ayrılıb. Regional status almış bütün layihələr CAREC çərçivəsində maliyyələşdirilən layihələrin siyahısına daxil edilə bilər. Cənubi Asiya malların TRACEKA dəhlizi vasitəsilə Avropa bazarlarına çıxarılmasında maraqlıdır. Gələcəkdə enerji daşıyıcılarının nəqli məsələlərində Qazaxıstan neftinin BTC vasitəsilə tranziti imkanı nəzərdən keçirilir.
