Sentyabrın 5-də Əmək və Əhalinin Sosial Müdafiəsi Nazirliyi Şamaxıda yarmarka keçirib. Nazirliyin Baş Məşğulluq İdarəsindən Trend ə verilən məlumata görə, yarmarkanın yekunları üzrə 65 nəfər işlə təmin olunub. Bütövlükdə, yarmarkada 20 müəssisə 392 iş yeri ilə iştirak edib.
İdarədən bildirilib ki, indiyədək ölkənin müxtəlif bölgələrində, o cümlədən Naxçıvan MR-də 38 əmək yarmarkası keçirilib. 13 yarmarkada 13 min iş yeri ilə 1130 müəssisə iştirak edib. Nəticədə 2824 nəfər işə, 184 nəfər ödənilən ictimai işlərə qəbul olunub, 154 nəfər isə hazırlıq kurslarına göndərilib.
Növbəti əmək yarmarkası sentyabrın 6-da Zaqatalada keçiriləcək.
