Hazırda Dünya bankı ilə birgə gerçəkləşdirilən "Azərbaycan kənd investisiya" layihəsi çərçivəsində icmaların zonalararası görüşləri keçirilir.
Trend in Kənd Təsərrüfatı Nazirliyi yanında Kənd Təsərrüfatı Kreditləri üzrə Dövlət Agentliyinə istinadən xəbər verdiyi kimi, görüşlər sentyabrın 4-dən 9-dək Naxçıvan, Düzən Şirvan və Muğan-Salyan zonası icmalarının 100-dən çox nümayəndəsinin iştirakı ilə keçirilir. Tədbir iştirakçıları Saatlı, Sabirabad, Yevlax, Göyçay və Culfa rayonlarına səfər edəcək.
İndiyədək layihə çərçivəsində ümumi dəyəri $540 min olan 12 mikrolayihə gerçəkləşdirilib. Daha 21 layihə isə gerçəkləşdirilmə mərhələsindədir. Bu layihələrin dəyəri təxminən $900 mindir. Həyata keçirilmiş layihələr sırasında içməli su təminatı (Kəngərli rayonunun Çalxanqala
kəndi, Yevlax rayonunun Iarvara kəndi), kənd yollarının bərpası (Sabirabad rayonunun Türkədi kəndi, Culfa rayonunun Əlincə kəndi), məktəb tikintisi və təmirini ( Saatlı rayonunun Iarxan kəndi və Yevlax rayonunun Qaraoglan kəndi ) göstərmək olar.
2004-cü ilin sentyabrında Azərbaycan Hökuməti və Beynəlxalq İnkişaf Assosasiyasi (BİA) arasında bağlanmış sazişə görə ölkədə həyata keçirilən layihənin əsas məqsədi icma layihələrinə sərmayə qoymaqla əhalinin yaşayış səviyyəsini yaxşılaşdırmaqdan və infrastruktur xidmətlərindən istifadəni artırmaqdan ibarətdir.
Layihə çərçivəsində 21 rayonda 400-450 icma layihəsinin gerçəkləşdirilməsi planlaşdırılır.