Azərbaycan Mikromaliyyələşdirmə Bankı (AMMB) səhmdarlarının növbəti iclası sentyabrın 26-da keçiriləcək. AMMB-nin idarə heyətinin sədri Endryu Paspilovskinin Trend ə verdiyi xəbərə görə, AMMB-nin bütün təsisçiləri - Almaniya Yenidənqurma Bankı-KFW, Qara dəniz Ticarət və İnkişaf Bankı (QDTİB) . Beynəlxalq Maliyyə Korporasiyası (BMK), Avropa Yenidənqurma və İnkişaf Bankı (AYİB) və "LfC" konsaltinq şirkəti Bakıda toplaşacaqlar.
AMMB-nin nizamnamə kapitalının artırılması, eləcə də səhmdarlar heyətinə dəyişikliklər məsələsi iclasda əsas müzakirə predmetləri olacaq. Hazırda təsisçilər yeni holdinq şirkətini müəyyənləşdirirlər. Onun Almaniya şirkəti olacağı gözlənilir. AMMB-nin nizamnamə kapitalının artırıldığı bir vaxtda bankın səhmdarlar heyətinə yeni şirkətin daxil olması Almaniya qanunvericiliyindən, eləcə də administrasiyasından asılıdır. Bu proses sürətləndirilməlidir, belə ki, bankın nizamnamə katitalı ilin sonuna kimi artırlmalıdır.
Hazırda bankın nizamnamə kapitalı $6,850 mln. təşkil edir. AMMB səhmdarlarının iştirak payı aşağıdakı kimi paylaşdırılıb: səhmlərin 24,96%-i ($1,710 mln) KFW-yə., 5,7%-i ($390 min) "LfC" şirkətinə, hər birinə 25,55% ($1,750 mln.) olmaqla QDTİB və BMK-ya, 19,24%-i ($1,250 mln.) isə AYİB-ə məxsusdur. Bankın nizamnamə kapitalının minimum $10 mln.-dək artırılması planlaşdırılır, lakin bu həcmin də artırılması gözlənilir, belə ki, AMB-nin normativ tələblərinə əsasən, 2007-ci ilin iyulun 1-dək hər bir bankın ümumi kapitalı minimum 10 mln. manat təşkil etməlidir. E. Paspilovskinin sözlərinə görə, bankın kapitalı 2006-cı ilin sonuna kimi artırılacaq.
Səhmdarlar həmçinin 2006-cı ilin keçən dövrü ərzində AMMB-nin fəaliyyətinin nəticələri ilə tanış olacaqlar. Sentyabrın 1-nə olan vəziyyətə əsasən, bankın 10 min kredit üçün verilmiş kredit portfeli keçən ilin sonu üçün nəzərdə tutulmuş $17 mln.-a qarşı $32 mln təşkil edib. Bank rəhbərinin sözlərinə görə, gözlənilənlərin əksinə olaraq, avqust ayı rekord ayı olub, belə ki, yalnız bu ay ərzində $7 mln. yerləşdirilib. Bu zaman 2 min kredit verilib ki, onlardan da 1 mini ilk dəfə öz biznesi üçün AMMB-dən kredit götürənlər olub.
2006-cı il 1 sentyabr tarixinə bankın aktivləri 100% artaraq $42 mln. təşkil edib. AMMB - qapalı tipli səhmdar bankı 2002-ci ilin oktybar ayının 29-dan fəaliyyətə başlayıb.
