...

"CredAgro" və AYİB kredit sazişi imzalayırlar

Biznes və iqtisadiyyat xəbərləri Materials 25 Sentyabr 2006 15:04 (UTC +04:00)

Sentyabrın 26-da Avropa Yenidənqurma və İnkişaf Bankı (AYİB) və "CredAgro" qeyri-bank kredit təşkilatı arasında kredit sazişi imzalanacaq. AYİB-in Bakı nümayəndəliyindən Trend ə verilən məlumata görə, Avropa bankı "CredAgro"ya $1 mln.-luq kredit xəttinin ayrıldığını təsdiqləyib. Bu vəsaitin $250 minini "TaiwanICDF" ayırır. Kredit kiçik və orta sahibkarlığın dəstəklənməsinə nəzərdə tutulub və 3 illiyə ayrılır.

"CredAgro" 2000-ci ildə təsis olunub və kəndlərdə mikromaliyyələşməsi fəaliyyətini həyata keçirir. "Son illər Azərbaycanda neft sektoru ilə bağlı biznesin inkişafı müşahidə olunur, lakin, bununla belə, ölkədə kənd təsərrüfatı ÜDM-in 14 %-ni təşkil edir və ölkənin ikinci iri sektoru kimi, bu sahədə əhalinin 40%-i fəaliyyət göstərir", - deyə məlumatda bildirilir.

AYİB krediti vasitəsi ilə bu sektorda sahibkarların maliyyə vəsaitlərini əldə etməsi asanlaşacaq. Kredit resursları, həmçinin, "CredAgro"nun kredit portfelini, xidmət sahəsini və regional şəbəkəni genişləndirəcək. Bu təşkilatın uzunmüddətli perspektivinə banka çevrilmə və əhalidən əmanətlərin cəlbi daxildir.

İmzalanma mərasimi hələ mayın 11-də AYİB prezidenti Jan Lemyerin Azərbaycana səfəri çərçivəsində baş tutmalı idi. Lakin bu sövdələşmə ACDI- IOCA tərəfindən bəyənilmədiyindən, mərasim təxirə salınmışdı. Səbəb isə Azərbaycanın "TID Consult" şirkəti tərəfindən aparılan 2005-ci il ərzində fəaliyyətin auditinin və "Microfinanza" İtaliya agentliyinin həyata keçirdiyi reytinq qiymətləndirməsinin başa çatmasını gözləməkdən və bir sıra digər prosedur məsələlərdən ibarət idi.

"CredAgro" Avropa bankından kredit alan ilk qeyri-bank təşkilatı olacaq. Bu günə qədər AYİB Azərbaycanda, əsasən, bank təşkilatlarını maliyyələşdirib.

Xəbər lenti

Xəbər lenti