Gəncə hava limanının yenidənqurulması və modernləşdirilməsi bu ilin oktyabrında başa çatacaq. Bu barədə Trend ə AZAL Dövlət Konserninin baş direktorunun birinci müavini Sabir İlyasov məlumat verib.
Layihənin dəyəri təxminən $39,5 mln təşkil edir və dövlət büdcəsi, o cümlədən AZAL-ın öz vəsaitləri hesabına gerçəkləşdirilir. Hava limanında uçuş xətti uzadılacaq, hava hərəkətini idarəetmə üzrə köhnəlmiş sistemlər yeniləri ilə əvəz olunacaq və təyyarə vağzalı kompleksi yenidən qurulacaq.
Yenidənqurma işləri Lənkəranın hava limanlarında da aparılır. Daha sonra bu istiqamətdə işlərə Zaqatalada da başlanacaq.
Dövlət Konserni artıq Naxçıvanda hava limanının yenidənqurulmasını həyata keçirib.
