2007-ci ildə minimum əmək haqqının artırılması üçün dövlət büdcəsində 271 milyon manat vəsait nəzərdə tutulub. Bu barədə Trend ə Milli Məclisin sosial siyasət məsələləri daimi komissiyasından bildiriblər.
Qeyd olunub ki, 2007-ci il ərzində minimum əmək haqlarının yanvar və iyul aylarında artırılması planlaşdırılır. Bu, büdcə təşkilatlarında çalışan 630 min nəfərə yaxın işçini əhatə edəcək.
Gələn il həmçinin dövlət qulluqçularının əmək haqqının artırılması üçün büdcədən 54,5 milyon manat vəsait ayrılması nəzərdə tutulub. Onu da bildirək ki, "2007-ci ilin dövlət büdcəsi haqqında" qanun layihəsi hazırda Milli Məclisin daimi komissiyaları tərəfindən müzakirə olunmaqdadır.