Vergilər Nazirliyi operativ vergi nəzarəti üzrə genişmiqyaslı tədbirlər çərçivəsində 135 737 obyektdə vergi reydləri keçirib. Trend Vergilər Nazirliyinin Operativ nəzarət idarəsinin press-relizinə istinadən xəbər verir ki, noyabrın 1-də olan məlumata görə, 31715 obyektdə qanunvericiliyin pozulması faktı aşkar olunub. Nəticədə bu obyektlərə qarşı 2 869,955 min manat məbləğində inzibati cərimə kəsilib.
Bakı üzrə vergi reydləri iyulun 24-dən başlayıb. Reydlər nəzarət-kassa aparatlarından istifadə və alıcılara çeklərin verilməsi, yəni əhali ilə nağd vergi hesablaşmalarının aparılma qaydalarına riayət olunmasına nəzarət etmək üçün həyata keçirilir.