UniBank kart biznesinin "Azərikard" prosessinq mərkəzindən "Millikart" MMC-yə miqrasiya prosesi dekabrın 13-də başa çatır. "Millikart"dan Trend ə verilən xəbərə görə, UniBank fəaliyyətinin köçürülməsinin bütün prosesi 2,5 ay davam edib. Halbuki texniki olaraq bir ay ərzində tamamlamaq olardı.
Prosesin uzunluğu Visa International beynəlxalq ödəmə sisteminin prosedurlarından asılıdır.
UniBank-ın miqrasiyası nəticəsində yeni kart mərkəzi vasitəsilə buraxılan kartların sayı 30 minə çatacaq. Bunlardan 15 mini bu bankın payına düşür. Qalan 10-11 min kart Azərdəmiryolbank, 4 mini isə - beş bank tərəfindən buraxılacaq.
Hazırda kart biznesinin tam miqrasiyası yalnız Azərdəmiryolbank tərəfindən baş verib.
Mərkəzdə bank-səhmdarların fəaliyyətinin gələn ildən "Millikart"a köçürülməsi planında fəal işlərin görülməsi gözlənilir. Həm də böyük banklardan üçünün bura daxil olacağı ehtimal olunur. Ümumilikdə, UniBank miqrasiya prosesini tamamladıqdan sonra banklar qərarın qəbul ediləcəyini gözləyirlər. "Onlar bu prosedurun nə qədər uğurlu və tez baş verdiyinə baxmaq istəyirlər", - deyə mərkəzdə qeyd ediblər.
Milli bank mərkəzin idarəyə verilməsi haqqında 18 bankla təsis müqaviləsi imzalayıb. MMC 14 iyul 2006-cı ildə təsis olunub. "Millikart" sərbəst qurum kimi fəaliyyətə 2 oktyabr 2006-cı il tarixindən başlayıb. Mərkəzin təsisçiləri Atabank, Azərdəmiryolbank, Azertürkbank, Bank of Baku, CIBank Debütbank, Əmrahbank, Xalqbank, Kredobank, Azərbaycan mikromaliyyələşdirmə bankı, Parabank, Rabitəbank, Bank Respublika, Bank Standard, Texnikabank, Turanbank, UniBank və Zaminbankdır.
