Azərbaycanın iqtisadi inkişaf naziri Heydər Babayev və Türkiyənin ticarət və sənaye naziri Əli Coşqun gələcək əməkdaşlığın istiqamətlərinin müzakirəsi üçün görüş keçirib. Bu barədə Trend xəbər verir.
H.Babayev bildirib ki, türkiyəli nazirlə əməkdaşlıq perspektivlərinin müzakirəsi zamanı həmçinin Azərbaycan şirkətlərinin potensialının və işçi qüvvəsinin türkiyəli iş adamlarının Moskvada həyata keçirilən fəaliyyətə cəlb olunması məsələsi də nəzərdən keçirilib. Gələn il Moskvada Azərbaycan-Rusiya-Türkiyə biznes-forumunun keçirilməsi planlaşdırılır.
"Türkiyə Moskvada böyük kütlə ilə təmsil olunur və azərbaycanlı soydaşlarımızın problemlərinin həllində də yardım edəcəyinə ümid var", - deyə nazir bildirib.
Trend-in ən mühüm və maraqlı xəbərlərini "Telegram"da izləyin
