"Millikart" məhdud məsuliyyətli cəmiyyət öz fəaliyyətinin ilkin təqdimat tarixini dekabrın 29-na təyin edib. "Millikart"dan Trend ə verilən məlumata görə, hazırlıq işləri başa çatmazsa, tədbir gələn ilə keçirilə bilər.
Təqdimat iki tədbirlə - UniBank-ın "Azərikard" prosessinq mərkəzindən "Millikart"a miqrasiyasının başa çatması, eləcə də Azərdəmiryolbankın MasterCard beynəlxalq ödəniş sisteminin çip kartlarının pilot buraxılışı ilə üst-üstə düşəcək.
Hazırda MMC vasitəsitəsilə emissiya edilmiş kartların sayı 20 mini ötür, onlardan 15 mini UniBank-ın payına düşür. "Millikart"ın səhmdarlarının 18 bank olmasına baxmayaraq, mərkəz vasitəsilə təxminən 10 emitentə (Azərdəmiryolbank, Azərtürkbank, Debütbank, Azərbaycan mikromaliyyələşdirmə bankı, Gəncəbank, Zaminbank, Atlantbank, AFBank, UniBank və CIBank) xidmət göstərilir. Mərkəzdə xi dmət göstərilən banklardan üçü MMC-nin səhmdarları deyil.
Bankların miqrasiya prosesi maksimum 1,5 il çəkəcək, ona görə də 2006-cı ildə "Millikart"da kart dövriyyəsini hələ fəaliyyətdə olan emitentlər hesabına artırmaq və gələn il təxminən 50 min ədədə çatdırmaq planlaşdırılır.
