Beynəlxalq Maliyyə Korporasiyası və Rabitəbank fevralın əvvəlində yeni kredit xəttinin açılması barədə müqavilə imzalamağı planlaşdırır. Bankın kredit şöbəsindən Trend ə verilən məlumata görə, hazırda bu ay bitməli olan sazişin razılaşdırılmasının texniki fazası bitmək üzrədir.
İmzalanma tarixi hələ kreditin BMK-nın direktorlar şurasında təsdiqindən asılıdır. Təsdiqləmə yanvarda gözlənilir. Maliyyə korporasiyası Rabitəbanka Azərbaycanda orta və xırda biznesin inkişafınin dəstəklənməsi proqramı çərçivəsində 2 mln dollar ayıracaq. Kredit verilməsinin şərtləri hazırda dəqiqləşdirilir.
1997-2002-ci illərdə Rabitəbank korporasiyanın 800 min dollar ilk kreditini mənimsəyib. Bu banka BMK-0nın ikinci kredit xəttinin verilməsi barədə razılaşma 003-cü ilin mayın 8-də imzalanıb. Sazişə görə, o, 1,2 mln. dollar alıb. Kredit iki il ödəmə möhlətilə 6 il LİBOR+4,25% illik qoyuluşla verilib və 2004-cü ilin payızının sonunda mənimsənilib.
Rabitəbank 1993-cü ildən fəaliyyət göstərir və 8 bölgə və 4 paytaxt filialına malikdir ki, əhaliyə bank xidmətinin bütün sahələrində xidmət təklif edir. BMK ilə yanaşı bank başqa maliyyə təşkilatları ilə əməkdaşlıq edir. Hazırda effektiv şəkildə İslam inkişaf Korporasiyasının 1,1 mln. dollar məbləğində kredit xəttindən, Avropa quruculuq və inkişaf bankından (prosesdə AQİB-nın 3 mln. $ kredit xətti mənimsənilib) istifadə edir.
