Azərbaycanda kredit-zəmanət fondunun yaradılması sahəsində maliyyə əməkdaşlığı üzrə hökumətlərarası sazişin imzalanması prosedurunun Azərbaycan prezidenti İlham Əliyevin fevral ayının ortalarında Almaniyaya səfəri zamanı həyata keçirilməsi planlaşdırılır.
KfW Almaniya inkişaf bankının Bakı ofisinin başçısı Natiq Abdullayevin çərşənbə axşamı Trend ə verdiyi məlumata görə, onu Azərbaycan və Almaniya hökumətləri imzalayacaq. Azərbaycan hökuməti adından imzalanma səlahiyyətləri iqtisadi inkişaf naziri Heydər Babayevə verilib. Ehtimal olunur ki, o da ölkə başçısını müşayiət edəcək.
2006-cı ilin avqustunda Azərbaycan-Almaniya hökumətlərarası danışıqlar zamanı KfW Almaniya inkişaf bankı ilə maliyyələşdirmə haqqında müqavilə və kredit-zəmanət fondunun fəaliyyəti üçün xüsusi şərtlər imzalanacaq.
KfW layihəyə 4 mln. avro ayırmağa hazırdır. Bunun 3,75 mln. avrosu fondun yaradılması üçün zəmanət qismində və 0,25 mln. avro məsləhətçinin xidmətlərinin ödənilməsi üçün ödəniləcək. Fond KfW-in qərargahında hesablaşma hesabı şəklində fəaliyyət göstərməlidir. Azərbaycan bankları AAA+ reytinqinə malik KfW-in özünün kredit şərtləri əsasında beynəlxalq banklardan vəsait ala bilərlər. İlkin mərhələdə fondun həcmi 2,3 mln. avro təşkil edəcək. Kredit-zəmanət fondunun bankın kredit xətləri cəlb etməsi üçün limiti yoxdur, lakin birinci mərhələdə zəmanətin həcmi 500 min avronu ötməyəcək. KfW zəmanətlərinin cəlb olunması zamanı banklar 1 borc alana 150 min avrodan çox məbləğdən çox kredit verə bilməzlər.
