Fevral ayının sonunda Strasburqda Avropa Şurasının Moneyval "çirkli" pulların yuyulması üzrə ekspert qrupunun növbəti plenar iclası keçiriləcək.
Cümə günü AMB-nin baş direktoru, "çirkli" pulların yuyulması ilə mübarizə üzrə idarələrarası işçi qrupunun rəhbəri Rüfət Aslanlının Trend ə verdiyi xəbərə görə, ilk dəfə iclas çirkli pulların yuyulmasına müqavimət (FATF) İqtisadi əməkdaşlıq və inkişaf təşkilatının (OECD) yuyulmaya müqavimət üzrə maliyyə tədbirləri Qrupu ilə birgə keçiriləcək.
FATF-a 25-dən çox ölkənin daxil olduğunu nəzərə alaraq, sıx əlaqələr və ikitərəfli münasibətlərin qaydaya salınması üçün bu cür təcrübə faydalı olacaq.
R.Aslanlının sözlərinə görə, işçi qrupu artıq Moneyval-a Azərbaycanda görülmüş işlər haqqında hesabat təqdim edib. O, FATF-ın 40 tələbinə və terrorun maliyyələşdirilməsinin qarşısının alınması üzrə 9 tələbə uyğunlaşdırılmalıdır.
Başqa ölkələrin məruzəsi kimi, Azərbaycanın da məruzəsi plenar iclas çərçivəsində büroda nəzərdən keçiriləcək. Azərbaycanın nümayəndə heyəti də bu tədbirdə iştirak edəcək.
Moneyval-ın ildə üç dəfə keçirilən hər iclasında ölkələr pulların yuyulması və terrorun maliyyələşdirilməsi ilə mübarizə istiqamətində görülmüş işlər haqqında məlumat verəcək.
Hazırda hökumətlərarası qrup qiymətləndirmənin ikinci raunduna hazırlıq görür. Bu raundun müddəti hələ müəyyən olunmayıb. Bununla yanaşı, hökumət xüsusilə "Pulların yuyulması və terrorun maliyyələşdirilməsi ilə mübarizə haqqında" qanun layihəsinin ratifikasiyası üzrə bütün lazımi tədbirləri yerinə yetirməyə çalışır.
Qanun layihəsinin işlənməsi, gələcək mərhələdə isə maliyyə kəşfiyyatı orqanının yaradılması Moneyval-ın əsas tələblərindən biridir.
Azərbaycanın qiymətləndirilməsinin birinci raundu 2003-cü ilin mayında keçirilib. Onun əsasında Azərbaycan, əsasən, FATF-in yenilənmiş standartlarına uyğun ölkələr kateqoriyasına aid edilib. O vaxtdan standartlara terrorun maliyyələşdirilməsinə müqavimət haqqında yeni standart əlavə olunub.