2007-ci ilin fevral ayında Beynəlxalq Maliyyə Korporasiyası (BMK) 18 mln. dollar ayrılması barədə "ADA-Ticaret" SC ilə razılaşma imzalamağı planlaşdırır.
BMK-nın Azərbaycandakı nümayəndəsi Aliyyə Əzimovaya istinadən Trend xəbər verir ki, hazırda hüquqi sənədlərin hazırlanması işə aparılır. Maliyyələşmə üçün təqdim ediləcək ümumi vəsaitin 6 mln. dolları şirkətin kapitalında iştirak üçün, 12 miln. dollar isə inkişaf üçün nəzərdə tutulur. Maliyyə korporasiyasının Direktorlar Şurasında bu layihə 2006-cı il iyulun 13-də təsdiqlənib.
Bakıda supermarketlər şəbəkəsinin yaradılmasını nəzərdə tutan "ADA" layihəsinin ümumi dəyəri təxminən 50 mln. təşkil edir.
A.Əzimovanın sözlərinə görə, şirkət 2007-ci ilin sonuna qədər minimum 50 supermarket yaratmağı nəzərdə tutur.
"ADA" şirkəti 80% biri Rusiya vətəndaşı olan 3 nəfər tərəfindən təsis edilmiş Avstriyanın "A & DA Holding GmBH" şirkətinə məxsusdur.
Qalan 20% səhm şirkətin Azərbaycan menecmenti arasında paylanıb.
"ADA" Azərbaycanda istehlak mallarının satışını təşkil etməyi planlaşdırır və münasibət qiymətlə keyfiyyətli geniş məhsul çeşidi təklif edəcək.
