Azərbaycan Nəqliyyat Nazirliyinin "Yolnəqliyyatservis" departamenti Masallı-Astara avtomobil yolunun yenidən qurulması layihəsi üzrə sənədlərin hazırlanmasında məsləhətçi xidmətləri, tikintiyə texniki nəzarət, monitorinq və qiymətləndirmə çərçivəsində maraqlar sorğusu elan edib. Bu barədə Trend xəbər verir.
Bu layihə yol şəbəkəsinin inkişafı üzrə investisiya proqramı çərçivəsində həyata keçiriləcək. Yolun yenidən qurulması üçün vəsaitləri bir hissəsi Asiya inkişaf bankının kreditindən veriləcək.
Maraqların sorğusunun elan olunduğu layihənin etibarlılıq müddəti - 2007-ci ilin iyulundan 2009-cu ilin sonunadəkdir. Maraqlananlar öz peşəkar yararlılığının təsdiqini təqdim etməlidirlər. Bu zaman şirkətlərin tərəfdaş qismində iştirakı mümkündür.
Maraqlananlar lazımi məlumatları 9 mart 2007-ci il tarixinə qədər təqdim edə bilərlər.
