...

Yanvar ayında Azərbaycan iqtisadiyyatına qoyulan investisiyaların sayı artıb

Biznes və iqtisadiyyat xəbərləri Materials 15 Fevral 2007 18:53 (UTC +04:00)

2007-ci ilin yanvar ayı ərzində bütün maliyyə mənbələrindən müəssisə və təşkilatlar tərəfindən iqtisadiyyatın inkişafına 357,2 mln. manat qoyulub, bu isə ötən ilin analoji dövründə əsas kapitala investisiya qoyuluşlarından 3,5% çoxdur. Dövlət Statistika Komitəsindən Trend ə verilən məlumata görə, özəl mülkiyyətdə olan müəssisə və təşkilatlar əsas kapitala 290,1 mln. manat (81,2%), dövlət mülkiyyətində olanlar isə - 67,1 mln. manat (18,8%) vəsait qoyublar.

Təmir-tikinti işlərinə qoyulan investisiyaların həcmi 9,5% artıb və 180,4 mln. manat təşkil edib. İstehsalat yönümlü obyektlərin tikintisi üçün 308,5 mln. manat (86,4%) investisiyadan istifadə olunub, qeyri-istehsalat obyektlərinə isə 48,7 mln. manat (13,6%) vəsait qoyulub.

Xarici investisiyaların xüsusi çəkisi 60,9% və ya 217,5 mln. manat təşkil edib. müvafiq olaraq investisiyaların ümumi həcmindən 39,1% daxili investisiyaların payına düşür ki, bu da ümumilikdə 139,7 mln. manat təşkil edir. Həm də ötən ilin analoji göstəricisi ilə müqayisədə daxili investisiyaların həcmi 21,6% artıb.

Büdcə vəsaitləri hesabına maliyyələşdirilən obyektlərin tikintisinə 9 mln. manat investisiya qoyulub. Təmir-tikinti işlərinə bu vəsaitlərdən 93,5% investisiya yönəldilib.

Müəssisə və təşkilatların vəsaitləri hesabına əsas kapitala 308,8 mln. manat (investisiyaların ümumi həcmindən 86,4%), bank kreditlərindən - 18,2 mln. manat (5,1%), büdcə vəsaitlərindən - 10,9 mln. manat (3,1%), bülcədənkənar fond vəsaitlərindən - 9,9 mln. manat (2,8%), əhalinin şəxsi vəsaitlərindən - 9,4 mln. manat (2,6%) investisiya qoyulub.

Xəbər lenti

Xəbər lenti