Bu gün Strasburqda Avropa Şurasının "çirkli" pulların yuyulması üzrə Moneyval ekspert qrupunun növbəti plenar iclası öz işinə başlayıb. İclas fevralın 23-dək davam edəcək. Bu barədə Trend ə "çirkli" pulların yuyulması ilə mübarizə üzrə idarələrarası işçi qrupundan məlumat verilib. İclasda Azərbaycandan AMB idarə heyətinin sədr müavini Rüfət Aslanlının başçılıq etdiyi nümayəndə heyəti iştirak edir.
Plenar iclas ilk dəfə olaraq Çirkli pulların yuyulmasına əks təsir üzrə (FATF) İqtisadi əməkdaşlıq və inkişaf təşkilatının Yuyulmaya əks təsirin maliyyə tədbirləri Qrupu ilə birgə keçirilir.
Büroda plenar iclas çərçivəsində həmçinin FATF-ın 40 tələbinə və terrorun maliyyələşdirilməsinin aradan qaldırılması üzrə 9 tələbə uyğunlaşmaq üçün Azərbaycanda görülmüş işlər haqqında hesabat nəzərdən keçiriləcək.
R.Aslanlı "Pulların yuyulması və terrorun maliyyələşdirilməsi ilə mübarizə haqqında" qanun layihəsi üzrə məsləhətləşmələr aparmaq üçün fevralın 22-də Avropa Şurasının eksperti Klaudio Stroliqo ilə görüşəcək. İlkin müzakirələr Bakıda bu günlərdə keçirilib. Ekspertin təqdim etdiyi tövsiyyələr, əsasən, texniki xarakterli olub, bəziləri bununla bağlı olub ki, o, həmçinin ABŞ Ədliyyə departamentinin başqa ekspertləri ölkənin hüquq sistemi ilə kifayət qədər tanış olmayıblar, bu isə hər hansı tövsiyyələrin təqdim olunmasına qədər qaçılmazdır, belə ki, yenidən tərtib olunmuş qanun layihəsi AR-in ümumi qanunverici platformasına daxil olmalıdır.