Azərbaycan, Bərdə / Trend müxbir Ş. Cəliloğlu/ Bərdə rayonunda yeni pambıq qəbuletmə məntəqəsinin tikintisinə başlanılıb. Rayonun Su-Kanalizasiya İdarəsinə məxsus ərazidə tikilən zavodun 2 hektar ərazisi olacaq. İlin sonuna kimi fəaliyyətə başlayacaq zavod Bərdə və qonşu rayonların sahibkarlarından pambıq qəbul edəcək. Pambıq əsasən Türkiyəyə göndəriləcək.
Artıq zavod üçün texnika, o cümlədən Belarusda istehsal olunan traktorlar alınıb. Bərdə rayon İcra Hakimiyyətindən bildiriblər ki, bir aydan sonra ərzisi Bərdə Pambıq Qəbuletmə Məntəqəsinə verilən Su-Kanalizasiya İdarəsi başqa yerə koçürüləcək.
