...

Su layihəsi ilə bağlı Azərbayacan və DB arasında rəsmi danışıqların ilkin tarixi müəyyənləşdirilib

Biznes və iqtisadiyyat xəbərləri Materials 6 Aprel 2007 20:29 (UTC +04:00)

Azərbaycan, Bakı/ Trend müxbir İ.Xəlilova/ Azərbaycanın kiçik şəhərlərinin su və kanalizasiya təchizatı layihəsi üzrə Dünya Bankı ilə kredit razılaşması barədə danışıqlar aprelin ikinci yarısında aparılacaq. Bu barədə DB-nin Bakı nümanyəndəliyindən bildirilib. Bunun üçün Bakıya layihələr üzrə Andreas Rodun başçılıq edəcəyi missiyanın səfəri gözlənilir.

Aparılan qiymətləndirməyə əsasən, DB 230 mln dollar kredit ayırmağa hazırdır. Bəzi məsələlər həll olunmadığına görə danışıqların mart ayında keçirilməsi təxirə salınmışdı. DB-nin şərtlərindən biri isə "Bakının su təchizatı" layihəsinin auditinin aparılmasıdır.

Artıq layihəyə 20 rayonun qoşulması məsələsi həll olunub. 10 rayon üzrə isə texniki-iqtisadi əsaslandırma işləri aparılır. Bunların sırasına Ağdam, Biləsuvar, Goranboy, Quba, Xaçmaz, Zaqatala və digər rayonlar daxildir. Bütün bu rayonlarda su və kanalizasiya təchizatı sisteminin qurulmasına DB 230 mln. dollar ayıracaq. Birinci mərhələdə 10 rayon üçün 120 mln dollar ayrılacaq.

Bu kreditin 2007-ci ildə ayrılacağı gözlənilir. 2009-210-cu illərdə isə milli su və kanalizasiya təchizatının inkişafı üçün daha 200 mln dollar ayrılacaq.

Xəbər lenti

Xəbər lenti