Azərbaycan,Bakı/müxbir Trend İ.Xəlilova/Azərbaycan Banklar Assosiasiyası (ABA) prezidiumunun növbəti iclası aprelin 13-nə planlaşdırılıb. Bu barədə cümə axşamı ABA-nın icraçı direktoru Fərhad Əliyev məlumat verib.
İclasda 2007-ci il üçün bank sahəsinə yeni mütəxəssislərin cəlb olunması planı ilə əlaqədar yeni ştat cədvəlinin, assosiasiya və onun törəmə strukturlarının (Azərbacyan Bank Tədris Mərkəzi və "Banklar və biznes" jurnalı) xərclər və gəlirlər smetasının təsdiqi gözlənilir. Həmçinin ABA-ya üzvlük haqlarının artırılması təklifləri (hazırda 2 min manat təşkil edir), assosiasiyanın yeni ofisinin icarə məsələsi nəzərdən keçiriləcək. ABA-nın yeni layihəsi üzərində iş praktiki olaraq yekunlaşıb, buna görə də assosiasiyanın üzvləri Nizamnaməni müzakirə edəcəklər. Yeni redaksiyada Nizamnamənin bəyəniləcəyi təqdirdə onun təsdiqi konfransa çıxarılacaq. Hazırda assosiasiyanın fəaliyyəti 10 il bundan əvvəl qəbul olunmuş və hazırda qüvvədə olan Nizamnamə əsasında həyata keçirilir.
Həmçinin 2007-2011-ci illər üçün fəaliyyət proqramı çərçivəsində ABA-nın əsas fəaliyyət və institusional inkişafının istiqamətləri də hazırlanıb.
"Prezidium onları təsdiq etsə, assosiasiyanın strukturunda müəyyən dəyişikliklər həyata keçiriləcək" - deyə Əliyev bildirib. Təkliflər paketi fəaliyyətin üç istiqamətində olacaq - yenidən formalaşdırma, maarifləndirmə tədbirləri (bank işçilərinin keyfiyyət və ixtisasının artırılması) və banklarda təhlükəsizlik.