Azərbaycan, Bakı /müx. Trend U.İsmayılova / "Basak Inam" şirkətinin sığorta mükafatları bu ilin birinci rübündə 860,675 min manat təşkil edib. Bu ötən ilin analoji göstəricisindən 77,72 faiz artıqdır. Şirkətdən verilən məlumata görə, sığorta ödəmələri 230,087 min manata çatıb. Bu isə 2006-ci ildəki müvafiq göstəricidən 20,53 faiz artıqdır.
Mükafatların böyük hissəsi KASKO sığortasının (233,174 min manat), ən az hissəsi isə kənd təsərrüfatı sığortasının (112,65 min manat) payına düşür. Ödəmələrin də böyük hissəsi KASKO-nun payına düşüb (170 630 min manat).
Məlumat üçün bildirək ki, 1996-cı ildən fəaliyyət göstərən "Basak İnam" 32 cür sığorta xidməti göstərir. Onlardan dördü mütləq xarakter daşıyır. 2007-ci ilin aprelin 1-i üçün şirkətin nizamnamə kapitalı 800 min manat təkşil edib.