Azərbaycan,Bakı/müxbir Trend Ş.Əlizadə/Əmək və Əhalinin Sosial Müdafiəsi Nazirliyi birinci dərəcəli əlillərin təqaüdlərinin hesablanması üçün "Əmək təqaüdləri" haqqında qanuna dəyişikliklər etməyi nəzərdə tutur.
Əmək Nazirliyinin tibbi sosial ekspertiza və əlillərin reabilitasiyası şöbəsinin rəhbəri Elçin Qədirov bildirib ki, nazirlik Milli Məclisə qanuna əlavə və dəyişikliklərin edilməsi ilə bağlı təkliflər paketini təqdim edib.
Qaydalara əsasən, xəstəliyə uyğun olaraq birinci dərəcəli əlillik daim yardıma və kənar şəxslərin qayğısına ehtiyacı olan insanlara verilir.
"Əlillərin narazılığına müxtəlif səbəbdən birinci qrup əlillik alan şəxslərə təqaüdlərin müəyyən olunmasında fərdi münasibət göstərilməsi səbəb olub. Bu səbəbdən nazirliyə çox sayda şikayət daxil olub" - deyə Qədirov qeyd edib.
