Azərbaycan, Bakı/ Trend müxbir S.Babayeva/ 2007-ci ildə Azərsu SC təmir-bərpa işlərinə təqribən 10 mln. manat sərf etməyi planlaşdırır. Bu barədə cümə günü Azərsu SC-nin rəhbəri Nizaməddin Rzayev bildirib.
2007-ci ildə su təchizatı və kanalizasiyta sistemi üzrə 148,5 km uzunluğunda su xəttinin, 194,4 km uzunluğunda kanalizasiya xəttinin çəkilməsi, Şəki, Balakən, Zaqatala, Qaxda 35 artezian quyusunun qazılması planlaşdırılır.
2006-cı ildə Bakı və ölkənin digər şəhərlərində 240,8 km su, 113,1 km kanalizasiya xətti çəkilib.
1200 mm diametrində çəkilmiş kəmər çəkilməsi Bakının Xətai və Nizami rayonlarında suyun fasiləsiz verilməsini təmin edib.