Azərbaycan, Bakı / Trend müxbir Ü.İsmayılova/ ERA-TRANS sığorta şirkəti "Neftçi" futbol komandası ilə böyük bir müqaviləni ləğv edib. Bazar ertəsi şirkətdən verilən məlumata görə, müqavilə komanda tərəfindən ödəmələrin vaxtında olmaması səbəbindən ləğv olunub. Ümumi nəticədə isə ERA-TRANS-ın birinci rüb üzrə sığorta ödəmələri (2.545 mln. manat) ümumi gəliri 12,3 dəfə (207,1 min manat) üstələyib.
Şirkətdən bildiriblər ki, məcburi sığorta növləri üzrə ERA-TRANS-ın gəlirləri 36,657 min manat, ödənişləri isə 129,17 min manat təşkil edib.
1994-cü ildən fəaliyyət göstərən ERA-TRANS şirkətinin Nizamnamə Kapitalı yanvarın 1-nə 707 min manat təşkil edib. Şirkət 24 könüllü, 4 məcburi sığorta növü üzrə xidmət göstərir.