Azərbaycan, Bakı/ Trend / Aprel ayında Bakıda təkrar mənzil bazarında qiymət indeksinin artımı 0,7 faiz təşkil edib ki, bu da 2006-cı ilin müvafiq dövründə olan göstərici ilə eynidir. "Daşınmaz əmlak bazarının iştirakçıları" Ictimai Təşkilatının monitorinqinin nəticələrinə əsasən, bazarda son üç il ərzində ən böyük passivlik hökm sürür.
Bakıda təkrar mənzil bazarında hər kvadratmetrə görə orta qiymət 1181 dollar təşkil edib.
Ən böyük artım şəhərin IV zonasındadır, I və II zonalarda isə tam stabillik müşahidə olunub.
Qiymətlər əsasən "Leninqrad" və "Kiyev" layihələrində qalxıb ki, bu da onların şəhərin III zonasında yerləşməsi illə izah olunur.
Aprel ayında təkrar mənzil bazarının təkliflər portfelində yeni tikilmiş mənzillər 35,8 faiz təşkil edib.
Monitorinqin nəticələrinə əsasən, istehlak qiymətlərinin dəyişilməsi təklif olunan daşınmaz əmlak portfelinin azalmasına gətirib çıxarıb.
Azəri-REI indeksi 1,5 faiz artıb ki, bu da əsasən qeyri yaşayış və torpaq bazarları ilə bağlıdır. Monitiorinqin nəticələrinə əsasən, yanvar ayında enerjidaşıyıcıları və kommunal xərclərin qiymətlərinin artımı ilə əlaqədar daşınmaz əmlak bazarında müşahidə olunan sıçrayışdan sonra aprel ayında stabillik müşahidə olunub.