Azərbaycan, Bərdə / Trend müxbir Ş.Cəliloğlu/ Bərdə rayonunun Koroğlu küçəsində və Tərtər çayının sol sahilində yerləşən 200-ə yaxın ticarət obyekti sökülüb. Bərdə rayon İcra Hakimiyyəti ümumi şöbəsinin müdiri İsa Hacıyevin şənbə günü verdiyi məlumata görə, obyektlərin sökülməsinə səbəb regionların sosial-iqtisadi inkişaf proqramı əsasında şəhərdaxili küçələrin genişləndirməsi və Tərtər çayının sol sahilində Heydər Əliyev adına yeni parkın salınmasıdır.
Hacıyev bildirib ki, ticarət obyektləri sökülməmişdən öncə komissiya qrupu yaradılaraq, dağıdılan hər bir dükanın smeta dəyəri hesablanıb. Vəsaitlərin ödənilməsi üçün müəyyən işlər aparılır. Ticarət mərkəzlərinin sahiblərinə dükanları yenidən inşa etmələri üçün müxtəlif ərazilərdə yerlər də təklif olunub.
Tərtər paytaxt Bakıdan 380 kilometr qərbdə yerləşir.
