Azərbaycan, Bakı/ Trend müxbir S.Babayeva/ Cümə günü Azərbaycanın Kənd Təsərrüfatı Nazirliyi yanında Dövlət Baytarlıq Xidməti bu il quş qripinin yayılmasına qarşı mübarizə çərçivısində növbəti, 7-ci monitorinqin nəticələrini açıqlayıb.
DBX-dən verilən məlumata görə, 26 vəhşi və 837 ev quşundan götürülmüş qan və patoloji nümunədə H5N1 virusu müəyyən olunmayıb.
Monitorinq Baytarlıq Xidməti, Ekologiya və Səhiyyə nazirlikləri, Ovçular Cəmiyyəti və Azərbaycan Elmlər Akademiyasının mütəxəssislərindən ibarət xüsusi komissiya tərəfindən aparılıb.
Növbəti monitorinq iyunun 27-də başlayacaq.
2006-cı ildən etibarən Azərbaycanda 10-dan yuxarı monitorinq keçirilib və nəticədə virus aşkar olunmayıb. Buna baxmayaraq ölkənin bütün sərhəd keçid məntəqələrindəki baytarlıq xidmətləri gücləndirilmiş iş rejimində fəaliyyət göstərir. Vəhşi quşların ovu, satışı və istifadəsinə qoyulmuş qadağa qüvvədədir.
