Azərbaycan, Bakı /müx. Trend Ü.İsmayılova/ "AtaSıgorta"dan verilən məlumatda deyilir ki, şirkət tərəfindən cari ilin ilk dörd ayı ərzində toplanan sığorta pulunun həcmi 1504,3 min manat təşkil edib ki, bu da ötən ilin analoji göstəricisindən 49,3% çoxdur. Qeyd olunan dövr ərzində şirkət tərəfindən aşağıdakı ödənişlər qəbul olunub:
Əmlakın sığortası ilə bağlı 200,9 min manat
Avtomobil sığortası ilə bağlı 614,2 min manat
Sahibkarın məsuliyyətinin sığortalanması ilə bağlı 21,8 min manat
Yüklərin sığortası ilə bağlı 12,4 min manat
Bədbəxt hadisələrin sığortası ilə bağlı 46,5 min manat
Könüllü tibbi sığorta ilə bağlı 21,9 min manat
Üçüncü şəxslər qarşısında vətəndaşların məsuliyyətinin sığortalanması ilə bağlı 197,9 min manat
Bank və bankların fəaliyətinin sığortalanması ilə bağlı 63,5 min manat
Elektrik avadanlığının sığortası ilə bağlı 309,8 min manat.
İlk dörd ay ərzində "AtaSıgorta" 142,3 min manat həcmində ödəniş aparıb ki, bu da ötən ilin analoji dövründən 20,2% çoxdur. Qeyd olunan dövrdə könüllü sığorta növü üzrə ödənişlər 137,1 min manat, məcburi növlər üzrə isə 5,2 min manat təşkil edib.
Arxada qalan dövrdə isə ödənişlərin əsas hissəsi, yəni 120 min manat qəzalarla əlaqədar olub.
"AtaSıgorta" sığorta fəaliyyəti ilə bağlı lisenziyanı 2004-cü ilin sentyabr ayında alıb. "AtaHolding" Şirkətlər Qrupuna daxil olan "AtaSıgorta"nın nizamnamə kapitalı 2 mln. dollara bərabərdir.