Azərbaycan, Quba / Trend müxbir A.Qafarov/ Quba rayon İcra Hakimiyyəti Siyəzən və Xızı rayonlarında yeni qışlaq sahələrinin ayrılması ilə bağlı Nazirlər Kabinetinə müraciət edib. İcra Hakimiyyətindən çərşənbə axşamı bildiriblər ki, Nazirlər Kabinetinin qərarı ilə Qubanın Hacıqabuldakı 25 min hektar qışlaq zonasının ləğv edilməsi, bunun əvəzində Bərdə və Kürdəmir rayonlarında qışlaq sahələrinin ayrılması problem yaradıb. Çünki yaylaqla qışlaq arasındakı məsafə təqribən iki dəfə artıb.
Quba rayonu ərazisində 67 min baş qara mal, 260 min baş qoyun-quzu qeydiyyatdadır. Yayın gəlişi ilə əlaqədar qeydiyyatda olan xırda dırnaqlı və iribuynuzlu heyvanların qışlaqdan yaylağa keçmə prosesi başa çatıb. Rayon baytarlıq idarəsindən verilən məlumata görə, heyvanlarda dabaq, emkar, çiçək xəstəliklərinin qarşısının alınması üçün tədbirlər görülsə də, heyvanların tələf olmasının qarşısını tam almaq mümkün olmayıb.
Quba paytaxt Bakıdan 365 kilometr şimalda yerləşir.