Azərbaycan, Bakı / Trend / 2007-ci ilin aprel ayına Azərbaycanda dövlət qulluqçularının sayı 2006-cı ilin müvafiq dövrü ilə müqayisədə 6,5 faiz artaraq 27,3 min nəfər təşkil edib. Dövlət Statistika Komitəsindən verilən məlumata görə, qulluqçuların 27,9 faizini qadınlar təşkil edir.
Dövlət qulluğunda çalışanların 3,2 faizi 1-4-cü təsnifat üzrə inzibati vəzifələrdə, 79,9 faiz 5-9-cu təsnifat dərəcəsi üzrə, 16,9 faiz isə yardımçı vəzifələri tuturlar.
Dövlət qulluqçularının 9,7 faizi bir il, 26,1 faizi 1-5 il, 23,8 faizi 5-10 il, 18,9 faizi 10-15 il, 21,5 faizi 15 il və daha yuxarı iş stajına malikdir.
İşçilərin çox hissəsi - 57 faizi 34-54 yaşlarındadır.
Işçilərin 15 faizi 5-9-cu dərəcə təsnifatı üzrə şöbə müdirləri, 9,8 faiz şöbə müdirlərinin müavini, 24,5 fazi baş məsləhətçilər, 5,5 faiz böyük məsləhətçilər, 14,4 faiz aparıcı məsləhətçilər və 22,5 faizi məsləhətçilərdir.
