Azərbaycan, Bakı /müx. Trend S.Babayeva/ Azərbaycanın ən iri metallurgiya müəssisəsi olan Baku Steel Company (BSC) növbəti dəfə bu il xammal çatışmazlığı ilə üzləşib.
Şirkətin vitse-prezidenti Əli Əsgərinin cərşənbə günü verdiyi xəbərə görə, zavoda gələn xammalın həcmi günbəgün azalır. Belə ki, lazım olan 1,4 min ton əvəzinə 400-500 ton xammal gəlir.
Bu səbəbdən iyulun 2-dən zavodun fəaliyyətinin dayandırılması haqda qərar qəbul olunub.
"Zavodun fəaliyyəti yalnız kifayət həcmdə xammal ehtiyatı yığıldıqdan sonra bərpa olunacaq" - deyə Əsgəri bildirib.
Zavodun dayandığı müddətdə təmir-bərpa işləri aparılacaq. İşçilər isə məzuniyyətə göndəriləcək. Məzuniyyət üçün onlar məvaciblərinin 50 faizini alacaqlar.
Müəssisənin ştatı 1,8 min nəfərdir.