Azərbaycan, Bakı /müx. Trend Ü.İsmayılova/ "Daşınmaz əmlak bazarının iştirakçıları" İctimai Birliyinin məlumatında bildirilir ki, Bakıda may ayında yeni tikililərdə mənzilin kvadrat metrinə olan orta qiymət 0,8% olmaqla 1002 dollara qədər artıb.
May ayında tikilən binaların sayı 491-ə qədər azalıb. Bir ay ərzində tikinti şirkətlərinin sayı 233, orta mərtəbə göstəricisi 15,2, daşınmaz əmlakın indeksi isə 3 dəfə artaraq 379,8 təşkil edib.
Paytaxtın Nəsimi və Nərimanov rayonlarında xeyli artım müşahidə olunur.
Şəhərin mərkəzi hissəsində tikilən 1-2 otaqlı mənzillərin sayı 4-5 otaqlı mənzillərə nisbətən xeyli az olub.
Şəhərin üçüncü və dördüncü zonalarında isə əksinə olaraq əksəriyyəti 1-2 otaqlı mənzillər təşkil edib. Son aylar ərzində iki , dörd və beş otaqlı mənzillərin qiymətində xeyli artım müşahidə olunur.
Bu, onların şəhərin mərkəzində yerləşməsi ilə izah olunur.
